ನೀನು ನನ್ನ ಜೀವ

ನೀನು ನನ್ನ ಜೀವ
ನನ್ನ ಜೀವ ನೀನು ನಿನ್ನ ಜೀವ ನಾನು, ನಮ್ಮಿಬ್ಬರ ಜೀವದ ಭಾವನೆಗಳು ಕವಿತೆಯಾಗಿ ಮೂಡಿ ಜೀವನವ ಸುಂದರಗೊಳಿಸಿದೆ.

ಸೋಮವಾರ, ಏಪ್ರಿಲ್ 25, 2011

ನೀನು ಕೆಟ್ಟವ


ಏಕೆ ಹುಟ್ಟಿಸಿದ ದೇವರು 
ಪಾಪಿ ಹೃದಯವನ್ನು 
ನೆಮ್ಮದಿಯನು ಹಾಳು ಮಾಡುವ 
ರಾಕ್ಷಸ  ಸ್ವಭಾವದವನ 
ಬೆಳಕನ್ನು ಇರುಳಾಗಿಸುವ
ಕೆಟ್ಟ ಬಯಕೆಯನ್ನು 
ನಂಬಿಕೆಯ ಚಿಹ್ನೆ ಅಳಿಸಿ 
ಮೋಸದ ಬಾವುಟ  ಹಾರಿಸುವವನ 

ಪ್ರೀತಿ ಕಿತ್ತೆಸೆದು ದ್ವೇಷ 
ಬೆಳೆಸುವ ಕ್ರೂರಿಯನ್ನು 
ಸತ್ಯದ ಸಂತೆಯಲಿ 
ಸುಳ್ಳು ದುರಾಸೆಯ ಹುಟ್ಟಿಸುವವನ
ಸಂಬಂಧಗಳ ಅವಮಾನಿಸಿ 
ಹೃದಯಾಘಾತ ತರುವವನ 
ಬೆಳಗಿನಲ್ಲೊಂದು ಕತ್ತಲೆಯಲ್ಲೊಂದು 
ದು:ಖದ ಬುಗುರಿ ಆಟವಾಡಿಸುವವನ
ಜೀವಿಸಲು ಬಿಡದೆ ಸಾಯಲು ಬಿಡದೆ 
ದು:ಖಸಾಗರಕೆ ತಳ್ಳಿದ ಮೆಲ್ಲನೆ ನನ್ನ 

4 ಕಾಮೆಂಟ್‌ಗಳು: