ನೀನು ನನ್ನ ಜೀವ

ನೀನು ನನ್ನ ಜೀವ
ನನ್ನ ಜೀವ ನೀನು ನಿನ್ನ ಜೀವ ನಾನು, ನಮ್ಮಿಬ್ಬರ ಜೀವದ ಭಾವನೆಗಳು ಕವಿತೆಯಾಗಿ ಮೂಡಿ ಜೀವನವ ಸುಂದರಗೊಳಿಸಿದೆ.

ಶನಿವಾರ, ಏಪ್ರಿಲ್ 23, 2011

ಇಲ್ಲದ ಉತ್ತರಕೆ ಪ್ರಶ್ನೆಗಳೆಕೆ ?



ಅಮಾವಾಸ್ಯೆಯ ರಾತ್ರಿಯಲಿ 
ಬೆಳದಿಂಗಳು ಕಾಣುವುದೇ ?
ಬಳ್ಳಿಗೆ ಮೊಗ್ಗಾಗದೆ 
ಹೂವು ಬಿಡುವುದೇ ?

ಸುಂದರ ಮಳೆಯ ಹನಿಯನ್ನು 
ಬೊಗಸಿನಲ್ಲಿಡಲು ಸಾಧ್ಯವೇ ?
ಬೀಸುವ ಗಾಳಿಗೆ 
ಬೇಡವೆಂದರೆ ನಿಲ್ಲುವುದೇ?

ಸೂರ್ಯನ ಕಿರಣವನ್ನು 
ಸ್ಪರ್ಶಿಸಲು ಆಗುವುದೇ ?
ಕೇಳುವ ಪ್ರಶ್ನೆಗಳಿಗೆಲ್ಲ 
ದೇವರು ಉತ್ತರಿಸುವನೆ ?

ಕನಸೊಡೆದು ಚೂರಾದಾಗ 
ಹೃದಯ ಕಿತ್ತೆಸೆಯುವುದೇ ?
ಪ್ರಶ್ನೆಗೊಂದು ಉತ್ತರ 
ಉತ್ತರಗಳಿಗೆ ಪ್ರಶ್ನೆ ಇದೆಯೇ ?
ಭೂಮಿ ಆಗಸ 
ಎಂದಾದರೂ ಒಂದಾಗುವುದೇ ?


2 ಕಾಮೆಂಟ್‌ಗಳು:

  1. ಹ್ಹ.. ಪ್ರಸ್ನೆಗಳು ಚೆನ್ನಾಗಿರುತ್ತವೆ..
    ಆದರೆ ಉತ್ತರಗಳು ಬಹಳ ಕಠೀಣವಾಗಿರುತ್ತವೆ..
    ಅಲ್ವಾ !!

    ಪ್ರತ್ಯುತ್ತರಅಳಿಸಿ