ಬೇಡವೆಂದ ಕನಸು ಬರೆವೇನೆಂದ ಮನಸು

 ಹೆದರಿಕೆಯು ಈಗ ಶಬ್ದಗಳಿಗೆ
ಮನೆ ಬಿಟ್ಟು ಅನಾಥರಾಗುವಿಕೆಗೆ
ಅಪ್ಪಿಕೊಂಡಿವೆ ಅಮ್ಮನ ಕೂಸಿನ ಹಾಗೆ
ಕೋಪವಾದರು ಪ್ರೀತಿಯ ಬಿಡದ ಹಾಗೆ


ಕೆಲ ಶಬ್ದಗಳು ಪುಟದಲಿ ಮೂಡುತಿವೆ
ಜಗವನ್ನು ಕಾಣುವ ಖುಷಿಯೊಳಗೆ
ಹೊಳೆಯುತಿವೆ ರಾತ್ರಿಯ ನಕ್ಷತ್ರದ ಹಾಗೆ
ನಾನೆ ಚಂದಿರನೆಂದು ಕಲ್ಪಿಸಿದ ಹಾಗೆ


ಕೆಲ ಶಬ್ದಗಳು ಬಾಡಿಗೆ ವಸ್ತುವಾಗಿವೆ
ಹಲವು ಬಾರಿ ಸಂಬಳ ನೆನಪಿಸುತ್ತವೆ
ಶುಗರಲೆಸ್ಸ ಚಹಾ ಕುಡಿಯುವ ನೆಪದ ಹಾಗೆ
ಹಗಲಲ್ಲೂ ಕನಸು ತೋರುವ ಮನಸ ಹಾಗೆ