ಮದುಮಗಳು

ನೀರೆ ಉಡುವಳು ರೇಷ್ಮೆ ಸೀರೆ 

ಖುಷಿಯ ಗಳಿಗೆ ದಾರದ ಎಳೆಗೆ

ಅವಳ ಹಸಿರು ಗಾಜಿನ ಬಳೆಗಳು 

ಸದ್ದು ಮಾಡುವ ಮನದ ಮಾತುಗಳು 

ಹಣೆ ಮೇಲೊಂದು ಕುಂಕುಮ ಬೊಟ್ಟು 

ಮುಖದ ಸೌಂದರ್ಯಕೆ ಮೆರಗು ತರುವಳು 

ಮೂಗಿಗೊಂದು ಹೊಳೆಯುವ ಮೂಗುತಿ 

ಎಲ್ಲರ ಮನವ ಸೆರೆ ಹಿಡಿಯುವಳು 

ಕಾಲ್ಗೆಜ್ಜೆಯ ಸದ್ದು ಮಾಡಿ ನಡೆಯುತ 

ಸೂಕ್ಷ್ಮ ಸ್ಪರ್ಶದ ಸುಖವನು ಕೊಡುವಳು 

ಕೈ ಯಲ್ಲಿ ಮದರಂಗಿ ಚಿತ್ತಾರ ಮೂಡಿಸಿ 

ಮದುವೆ ಕವನದ ಅರ್ಥ ಬಿಡಿಸುವಳು 

ಬೆರಳಿಗೆ ಸುತ್ತಿದ ಬೆಳ್ಳಿ ಕಾಲುಂಗರು

ಶುಭ ಹೆಜ್ಜೆ ಇಟ್ಟು ಅಂದವಾಗಿಸುವಳು

ಜಡೆಗೆ ಮೂಡಿದ ಮಲ್ಲಿಗೆ ಹಾರ 

ಸುಂದರತೆಯ ಪರಿಮಳ ಬೀರುವಳು 

ಜೊತೆಗಾರನ ಜೋರೆಯಲಿ ಸಪ್ತಪದಿ 

ತುಳಿದು ಜೀವನ ಹೊಸದಾಗಿಸುವಳು