ಪ್ರೀತಿ ಮರೆತಾಗ ..

ನಾ ನಿನ್ನ ಮರೆತಾಗ   
ನೀ ನನ್ನ ನೆನೆದಾಗ 
ನನ್ನದೆಯ ಬಡಿತ       
ನಿನಗಾಗಿ ಮಿಡಿದಾಗ 
ಆ ನಿನ್ನ ನೆನಪು       
ಅಲೆಯಾಗಿ ಬಂದಾಗ 
ನನ್ನೆದೆಯ ಪ್ರೀತಿ 
ಹಬ್ಬಿ ಬೆಳೆದಾಗ 
ನೀ ನನ್ನ ಹೆಸರು 
ಮರೆತು ಬಿಟ್ಟಾಗ 
ಈ ನಿನ್ನ ಪ್ರೀತಿ 
ಕರಗಿ ಹೋದಾಗ 
ನೀನಿಲ್ಲದ ಬದುಕ 
ಬಾಡಿದ ಹೂಹಾಂಗ
ನೆನಪಿನ ಜೀವ 
ಅಗಲಿ ಹೋದಾಗ 
ನಿನ್ನ ಜೊತೆಯ ಉಸಿರು 
ನನ್ನನ್ನು ಮರೆತಾಗ 
ನನ್ನಿನ್ನ ಹೆಸರು 
ಅಳಿಸಿ ಹಾಕಿದಾಂಗ
ಆ ನಿನ್ನ ಪ್ರೀತಿ 
ನೆನಪು ಬಂದಾಗ 
ದು:ಖದ ನೆಪಕೆ 
ಕಣ್ಣೀರು ಹರೆದಾಗ 
ನೀನಿಲ್ಲದ ಜೀವ 
ಬತ್ತಿದ ಹೊಳೆಹಾಂಗ 
ನಿನ್ನ ನಗು ಮುಖವ 
ಕನಸಲ್ಲಿ ಕಂಡಾಗ 
ಚೆಂದಾದ ಮುತ್ತಿಟ್ಟು 
ಪ್ರೀತಿ ಮಾಡಿದಂಗ 
ಒಲವಿನ ದೀಪ 
ಹತ್ತಿ ಉರಿಯುವಾಗ 
ನಾ ಕಂಡ ನನಸಲ್ಲ 
ಕನಸೆಂದು ತಿಳಿದಾಗ 
ಸೋತ ಜೀವದ ಮನ 
ನಿಟ್ಟುಸಿರು ಬಿಟ್ಟಾಗ 
" ನಾ ನಿನ್ನ ನೆನೆದೆ 
  ನೀ ನನ್ನ ಮರೆತೆ 
  ಪ್ರೀತಿಯ ಕೊರತೆ 
  ಕಾಣದ ಬದುಕೇ "


ನನ್ನ ಪ್ರೀತಿಯ ಜೀವ :)