ನಾಚಿಕೆ

ನಾಚಿಕೆಯಲ್ಲೆನಿದೆ ಬಿಡಿ ಸ್ವಾಮಿ 

ಮೂರಕ್ಷರ ಮಾತ್ರ 

ದುಬಾರಿಯಾಗಿದೆ ಬಟ್ಟೆ 

ಹುಡುಗಿಯರಿಗೆ ಮಾತ್ರ 

ಪ್ರೀತಿ ತುಂಬಿರುವುದು 

ಹುಡುಗರಲ್ಲಿ ಮಾತ್ರ 

ಪ್ರೇಮಗೀತೆ ಹಾಡುವರು 

ಕಾಲೇಜಿನಲ್ಲಿ ಮಾತ್ರ 

ಮದುವೆ ಮಗು ಒಮ್ಮೆ ನೀಡುವ 

ಮೂರಕ್ಷರ ಮರೆತಿರುವರು ಮಾತ್ರ
-- 

ಬಜೇಟ ಬಂತು ಬಜೇಟ

ಬಜೇಟ ಬಂತು ಬಜೇಟ 

ಸರಕಾರ ತಂತು ಬಜೇಟ 

ನಾಡಿನ ಅಭಿವೃಧ್ಧಿಗೆ 

ಹಣದಲ್ಲಿರುವ ಬಜೇಟ

ನೂರಕ್ಕಿಲ್ಲ ಬೆಲೆ ಈಗ 

ಕೋಟಿಯಲ್ಲಿದೆ ಖರ್ಚಿನ ವೇಗ 

ರಾಜಕಾರಣಿಗಳ ಆಶ್ವಾಸಣೆ 

ಕುಂದಿದೆ ಸತ್ಯದ ವಾಸನೆ 

ಸಿಂಹಾಸನ ಏರಿದೆ ಬಂಗಾರ 

ನಿಜ ರೂಪವೆ ಸ್ತ್ರೀಗೆ ಶೃಂಗಾರ 

ಸ್ವಾರ್ಥದ ಕೆಲಸಕೆ ಬೇಕಿದೆ ಲಾಭ 

ವ್ಯಾಪಾರಿಗಳ ಮನ ಅಗಲಾದ ನಭ 

ಹೇಳಿದ ಹಾಗೆ ಮಾಡುವರಿಲ್ಲ 

ಮಾಡಿದ್ದನ್ನು ಹೇಳುವರಿಲ್ಲ 

ಬದಲಾಗಿದೆ ಕಾಲ ಈಗ ಕಲಿಯುಗ 

ಒಳೆಯ ಕೆಟ್ಟದ್ದು ತಿಳಿಯುವುದಿಲ್ಲ 

ನಿರುದ್ಯೋಗದ ಚಿಂತೆಗೆ ಕಡಿವಾಣ 

ನಡೆಯದಿರಲಿ ರಾಜಕೀಯದ ರಾಮಾಯಣ

ಬಜೇಟ ಬಂತು ಬಜೇಟ 

ಶುಭವಾಗಲಿ ಎಂದಿತು ಬಜೇಟ

ಹೆಂಡತಿಯೊಬ್ಬಳು

ಹೆಂಡತಿಯೊಬ್ಬಳು ಮನೆಯೂಳಗಿದ್ದರೆ

ಮನೆಯಾವುಗುವುದು ಸ್ವರ್ಗ 

ನಾ ಕಂಡೆ ಅವಳಿಗೆ ಚಂದ್ರ 

ಹುಣ್ಣಿಮೆ ಮೂಡಿಸಿದಳು ಅಮವಾಸ್ಯೆಯ ದಿನ 

ಗಂಡ :

ನಾನಾಗದ ನಲ್ಲ 

ಆದರು ಕರೆದಳು ನನ್ನನ್ನು ನಲ್ಲ 

ನಾನಿದ್ದೆ ಬಲು ಸೋಮಾರಿ 

ಅವಳೆಂದಳು ನೀವೇ ನನ್ನ ರಾಜಕುಮಾರ ರ್ರಿ 

ಭಾವನೆ ಇಲ್ಲದ ನಾನಿದ್ದೆ ಬಂಡೆ

ಅವಳೆಂದಳು ಪ್ರೀತಿಯ ಉಂಡೆ 

ನಾ ಆಡಿದ ಮಾತಿಗೆ 

ಅವಳೆಂದಳು ನಾಚಿದ ತದಿಗೆ 

ನಾನಿದ್ದೆ ಖಾಲಿ ಖಾಲಿ 

ಅವಳಿದ್ದರೆ ಜ್ವಾಲಿ ಜ್ವಾಲಿ 

ಬಯಕೆಯ ಪಾಡು

ಬಯಕೆಯ ಬೀಜವೊಂದು ಬೇರು ಬಿಟ್ಟಿದೆ

ಗಟ್ಟಿಯಾಗಿ ಎದೆಗೆ ಅಂಟಿಕೊಂಡಿದೆ

ಕಿತ್ತೆಸೆಯಲು ಬಾರದ ಪ್ರೀತಿ ಬಯಕೆಯಾಗಿದೆ 

ಹೂವಾವಿ ಹಣ್ಣು ಕೊಡುವ ಕನಸು ಕಾಣಿದೆ 

ಬಳ್ಳಿ ಚಿಗುರಿದರೂ ಮೊಗ್ಗು ಕಾಣೆಯಾಗಿದೆ

ದಿನ ಕಳೆದು ಬಯಕೆ ಬಳ್ಳಿ ಗಿಡವಾಗಿ ಬೆಳೆದಿದೆ

ಮೊಗ್ಗು ಬಾರದೆ ಮನಸನ್ನು ಕೊಲ್ಲುತ್ತಿದೆ

ಚಿಗುರುವ ಎಲೆ ದುಃಖದಲಿ ಕಿತ್ತೆಸೆಯುತಿದೆ

ಕತ್ತಲಲಿ ಕುರುಡನೊಬ್ಬ ಕನಸು ಕಂಡಂತಾಗಿದೆ 

ನನಸಾಗುವ ಕೊರಗಲ್ಲಿ ಗಿಡವು ಒಣಗಿ ಮುರಿದಿದೆ 

ಹೊಸ ಬಯಕೆಯ ಬಳ್ಳಿಗೆ ಮೌನದ ಮಾತು ಹೇಳಿದೆ 

ಮೊಗ್ಗು ಕಾಣದ ಈ ಗಿಡವಾ ಸುಡುವೆಯಾ?

ದುಃಖದಲಿ ಕೇಳಿದೆ

ಸಿಗಲಾರದ ಬಯಕೆಯನ್ನು ಕೊಂದಿ 

ಭಸ್ಮ ಮಾಡು ಎಂದಿದೆ

ಕಣ್ಣೀರಿನ ಹಾಗೆ ತನ್ನ ಎಲೆಗಳನ್ನು ಉದುರಿಸಿದೆ 

ಬಯಕೆಯು ಇದ್ದರು ಗಿಡವು ಒನಗಿ ಏಕಾಂಗಿಯಾಗಿದೆ

ಪ್ರೀತಿಯಲ್ಲಿರುವೆ ನೀನು

ಆ ನೋವೆಂಬ ಕತ್ತಲಲಿ
ಸುಖವಾಗಿ ಹೊಳೆಯುವ ನಕ್ಷತ್ರ ನೀನು

ಸದ್ದಿಲ್ಲದೇ ಚೆಲಿಸುವ ಮನದಲಿ
ಮೋಡವಾದೆ ನೀನು

ಪ್ರೀತಿಯ ಬೆಳಕಿನ ಹಸಿವನ್ನು ನೀಗಿಸಲು
ಮೂಡಿದ ಚಂದ್ರ ನೀನು

ಮನದ ಮಾತು ತಿಳಿಯಲು ಆಳ ಹೃದಯ
 ಹೊಂದಿದ ಕಡಲು ತೀರ ನೀನು

ನೀಲ ಸ್ವಚ್ಚಂದ ಪ್ರೀತಿ ಭಾವ ತುಂಬಿರುವ
ವಿಶಾಲ ಮನದ ಗಗನ ನೀನು

ಜೀವದ ದೀಪವನ್ನು ಎದೆಯಲ್ಲಿ ಬಚ್ಚಿಟ್ಟು
ಜಗ ಬೆಳಗುವ ಮಣ್ಣಿನ ಭೂಮಿ ನೀನು

ನನ್ನ ಹೃದಯದಲಿ ಕೇಳುವ ಬಡಿತದ
ಪ್ರೀತಿ ಉಸಿರಿನ ಪ್ರಿಯತಮ ನೀನು

ಕಣ್ಣೀರಿನ ಪುಸ್ತಕ

ದುಃಖದಲಿ ಬರೆದ ನೋವಿನ 

ಅಕ್ಷರಗಳನು ಅಳಿಸಬಾರದೆ

ನೊಂದ ಮನದ ಭಾವನೆಯ 

ಪುಟಗಳನ್ನು ತಿರುವುಬಾರದೆ

ಕಣ್ಣೀರಲ್ಲಿಯೆ ಮುಳುಗಿದ ದಿನಗಳ 

ಪುಸ್ತಕ ಕಳೆಯಬಾರದೆ

ನೋವಿನ ನೆನಪುಗಳ ಸಾಲಿನಲಿ 

ನೀರು ಬಿದ್ದು ಹರೆಯಬಾರದೆ

ಪುಟಗಳು ತುಂಬಿ ಅದರ ಸ್ಥಾನ 

ಮೂಲೆ ತಿಳಿದರು ನೆನಪಿಸುವುದನ್ನು 

ಮರೆಯಬಾರದೆ..?

ನನ್ನ ಪ್ರೀತಿ

ನೀನು ಕಾಯಿಸಿದೆ ಕಾಡಿ ಕೋಪಿಸಿದೆ 

ನಾನು ಸ್ನೇಹಿಸಿದೆ ಮೆಚ್ಚಿ ಪ್ರೀತಿಸಿದೆ 

ನೀನು ನಗಿಸಿದೆ ಮೆಲ್ಲಗೆ ಮುದ್ದಿಸಿದೆ 

ನಾನು ಹಾಡಿದೆ ಪ್ರೀತಿಯ ವರ್ಣಿಸಿದೆ 

ನೀನು ಆಡಿಸಿದೆ ಸರಸದ ಮೋಡಿ ಮಾಡಿಸಿದೆ 

ನಾನು ನಿನ್ನವಳಾದೆ ಜೀವದ ಪ್ರೇಯಸಿಯಾದೆ